ኣብዚ ናይ ኣሰር-ኣጻብዕቲ ናይ ዕቕባ ሕቶ ጠለብ ብዙሕ ዝኾነ ፈጠራዊ ዝኾነን ዘይቅኑዕን ሓበሬታታት ኣሎ። በዚ ምኽንያት ድማ፡ ተጠቃምነት ናይ ኣሰር-ኣጻብዕቲ በዚ ዝስዕብ ጸሚቕናዮ ኣሎና – ከምኡውን እቲ ሓገዝ ንምርካብ ክሳብ ክንደይ ኣገዳስነት ከም ዘለዎ ሓበሬታ ክንህብ ኢና።

ሓደ ፍሉጥ ዝኾነ ግናከ ዙይጽጹይ/ዘይቅኑዕ ሓበሬታ፡ ሓተቲ ዑቕባ ን ናይ ህዝቢ ተወከልቲ ኣባላት ሕብረት ኤውሮጳ (EU) ዝኾና ሃገራት ኣሰር-ኣጻብዕቶም ካብ ምሃብ ብሙቑጣብ ጥቕሚ ክረኽቡ ከም ዝኽእሉ ኢዩ። ብብዝሒ ግዜ፡ እዚ ጌጋ ሓበሬታ ብሰንኪ ጌጋ ዝኾነ ምኽሪ ኢዩ ዝመጽእ፡ እዚ ድማ ኣሰር-ኣጻብዕ ካብቲ ናይ ሕብረት-ኤውሮጳ ተዓቂብሉ ዘሎ መኽዘን ሓበሬታ ክድምሰስ ዘለዎ ተኽእሎ ኢዩ፡ በዚ ውን ኣሰር-ኣጻብዕ ፍጹም ክድምሰስ ይኽእል ዝብል ማለት ኢዩ። በዚ ድማ ነቲ ወግዓዊ ምዝገባ ካብ ምግባር ምክልኻል ምግባር ከም ዘኽእል ኢዩ ዘስምዕ። እንተኾነ፡ ዝኾነ ሰብ ከምዚ ዓይነት ሓበሬታ ምስ ዝህበካ፡ ምስናይ ይቅሬታ እዚ ሓበሬታ ዘይቅኑዕ ሙኻኑን ዝተመስረሐ ሙኻኑን ክንሕብረካ ንፈቱ። እዚ ሕቶን መልሲ ኣብ ታሕቲ ተዘርዚሩ ዘሎ እቲ ንጹር ሓበሬታ ክህበካ ይኽእል ኢዩ።

እቲ ኣሰር-ኣጻብዕ ምስ ዝህብ ጥቕሚ ይህልወኒ ዲዩ፥

ኣሰር-ኣጻብዕ ምሃብ ሓገዝ ንምርካብ ማዕጾ ክኸፍተልካ ይኽእል ኢዩ። ድሕሪ እቲ ወግዓዊ ዝኾነ ምዝገባ ምግባርካ፡ ነቲ ናይ ኣሰር-ኣጻብዕ ምሃብ ዘጠቃለለ፡ ኣብቲ ናይ ሃገረ ጀርመን ደገፍ ንምውሃብ መሰል ተዋሂብካ ኣሎኻ። Aእዚ ድማ ነቲ “Asylbewerberleistungen” ወይ ናይ ዕቅባ ሓተቲ ደገፋት (ከም ኣብነት መሰረታዊ ደገፍ) ዘጠቓለለ ኢዩ።

ንምንታይ ኢዮም ኣሰር-ኣጻብዐይ ከም ሓበሬት ዝዕቀቡ

ነፍሲ ወከፍ ሓታቲ ዑቅባ ናብ ኤውሮጳ ዝኣቱን፡ ናብታ ዝኣተወላ ቀዳመይቲ ሃገር፡ ኣብ ትሕቲ ሕብረት ኤውሮጳ ዘላ፡ ክምዝገብን፡ ናይ ዑቕባ ጠለብ ከቕርብን ኣለዎ። ኩሎም ሓተቲ-ዑቕባ እቲ ናቶም ኣሰር-ኣጻብዕ ክረጋገጽን ክዕቀብን ኣለዎ። እዚ እቲ መሰረታዊ ክፋል መስርሕ ናይ ዱብሊን (Dublin) ኮይኑ፡ ኣብ ኩለን ሃገራት ኤውሮጳ መሰረታዊ ናይ ዕቕባ ሕግታት ዝህብ ኣካል ኢዩ። በዚ መሰረታዊ ሕጋጋት ድማ፡ እታ ቀዳመይቲ ዝኣተኻላን ኣሰር-ኣጻብዕ ዝሃብካላን፡ ናይ ሕብረት-ኤውሮጳ ሃገር ነቲ ናይ ዑቕባ ሕቶኻ ንምምስራሕ ሓላፍነት ትስከም።

ኣበየናይ እዋናት ወይ ግዚያት ኢየ ነቲ ናተይ ኣሰር-ኣጻብዕ ክዕቀብ/ክህብ ከፍቅድ ዘሎኒ፥

እቶም ወግዓውያን ናይ ሃገራት ኣባላት ሕብረት ኤውሮጳ ተወከልቲ፡ ነቲ ኣሰር-ኣጻብዕካ ክሓቱልካ ዘኽእሎም ሰለስተ መሰረታውያን ኩነታት ኣለዋ፡

1. እቲ ወግዓዊ ናይ ዑቕባ ሕቶኻ ናብቶም ዝምልከቶም ሰበስልጣን ምስ-ዝርከብ ወይ ምስ ዝወሃብ፡ ናይቶም ልዕሊ 14 ዝዕድሚኦም ሓተትቲ ጠለብ ኩሎም ኣሰር-ኣጻብዕ ክህቡ ግድነታዊ ኢዩ።
2. ነቲ ናይ ሕብረት ኤውሮጳ ናይ ወጻኢ ዶብ ብዘይ ሕጊ ክትሰግር ኣብ እትተሓዘሉ እዋን፡ እቶም ናይ ዶብ ሓለዋ ነቲ ናትካ ኣሰር-ኣጻብዕ ክረገግጽን ክዕቅብን ክሓቱኻ ኢዮም።
3. ኩሎም ውልቀሰባት ኣብ ሃገራት ኣባላት ሕበረት ኤውሮጳ ብዘይ ሕጋዊ መንበሪ ፍቃድ ዝነብሩ፡ ምስቶም ከባብያዊ በዓል-መዚታት ውይበዓል-ስልጣናት ክራኸቡ ምስ ዝጅምሩ፡ ነቲ ናቶም ኣሰር-ኣጻብዕ ከረክቡ ክሕተቱ ኢዮም።

ነቲ ናተይ ኣሰር-ኣጻብዕ ከይዕቀብ ክኣቢ ወይ ከይውሰደለይ ክቀወም ይኽእል ዶ፥

ኣይከኣልን ኢዩ፡ ምኽንያቱ ኩሎም ቶም ኣብቲ ላዕሊ ዝተጠቕሳ ሰለስተ ኩነታት ክጸልዎም ዝኽእል፡ ነቲ ናቶም ኣሰር-ኣጻብዕ ንምርካብ ክእዘዙ ከም ኡውን ኣሰር-ኣጻብዖም ክዕቀብ ከፍቅዱን ብሕጊ ቅዩዳት ኢዮም።

ምትሕብባር ምስ ዝኣቢ እንታይ ከጋጥመኒ ይኽእል፥

ብመሰረት ኣብ ላዕሊ ዝተጠቓሰ ኩነታት፡ ኣሰር-ኣጻብዕ ምርካብ ግድነታዊ ስለ ዝኾነ፡ እቶም ሰበስልጣን ብመሰረት ሕጋዊ ግቡእ መስርሕ፡ ነዚ ናይ ምልላይ መስርሕ ክቅጽል ከገድዱኻ ኢዮም።

እቲ ናተይ ሓበሬታ ክሳብ ክንደይ እዋን ወይ ክሳብ መዓስ ክዕቀብ ይኽእል፥?

እቲ ወግዓዊ ዝኾነ ናይ ዑቕባ ሕቶ ሕቶኻ ካብ እተረክበሉ እዋን ጀሚሩ፡ እቲ ናትካ ኣሰር-ኣጻብዕ ንዝነውሐ እዋን 10 ዓመታት ኣብቲ ማእከላይ ናይ ሓበሬታ መዓቀቢ EURODAC ዝበሃል፡ ክዕቀብ ኢዩ። እቲ ናይ ዕቕባ ሕቶኻ እንተደኣ ተዓዊቱ፡ ጸኒሕካ ድማ ናይ ዜግነት ወረቀት፡ ብመሰረት ፍሉይ ጠለብካ፡ እንተደኣ ተዓዲልካ፡ እቲ ናትካ ዝተዓቀበ ሓበሬታ ካብቲ ናይ ዑቕባ ጠለብ መዓቀቢ ሓበሬታ ክድምሰስ ይኽእል ኢዩ። እንተዘይኮይኑ፡ እቲ ናትካ ሓበሬታ ኣብዚ ማእከላይ መዓቀቢ ሓበሬታ ንዝነውሐ እዋን 18 ኣዋርሕ ክዕቀብ ኢዩ፡ ወይ`ውን ኣብ ፍሉያት እዋናት ሙሉእ ብ ሙሉእ ዘይክዕቀብ ተኽእሎታት ኣለዎ።

እቶም ናይ ጀርመን በዓል-መዚታት ወይ በዓል-ስልጣናት እቲ ናትካ ኣሰር-ኣጻብዕ ኣብ ካልኦት ኣባላት ሃገራት ሕረት ኤውሮጳ፡ ከም በዓል ግሪኽ ዝኣመሰላ፡ እንተደኣ ተዓቂቡ ኣሎ ክፈልጥዎ ተኽእሎታት ኣሎ`ዶ፥

እወ፡ ብልክዕ፡ እንተኾነ ምስቲ ኣዝዩ ረቂቕ ዝተኣሳሰረ ሕጋጋትን መምርሒታትን ብምትሕብባር። ናይ ኤውሮጳ ኣባላት ሃገራት፡ ኣብቲ ናይ ዑቕባ ጠለባት መስርሕ ብቀረባ ኢየን ዝተሓባበራን ዝተሓጋገዛን። እዚ ድማ እቲ ማእከላይ ናይ ኣሰር-ኣጻብዕ መዓቀቢ ናይ ሓተትቲ ዑቕባ ኣብቲ EURODAC ዝበሃል መዓቀቢ-ሓበሬታ የጠቃልል። በዚ ዲጂታላዊ መዓቀቢ ሓበሬታ መሰረት፡ ኣብ ግሪኽ ዝተወስደ ኣሰር-ኣጻብዕ ምስቲ ኣብ ጀርመን ዝተወስደ ወይ ብኣንጻሩ፡ ኣሰር ኣጻብዕ ክነጻጸር ይኽእል ኢዩ። እንተኾነ እቶም ናይ ጀርመን በዓል-መዚታት ወይ ተወከልቲ በዓል ስልጣናት እዚ ምንጽጻር ኣብ ዝገብሩሉ እዋን በቲ ቅኑዕ ዝኾነ ኣገባብን ሕጊን ተመሪሖም ኢዮም። እዚ ድማ ሓደ ኣብ ጀርመን ዑቕባ ዝሓተተ ውልቀ-ሰብ፡ ቅድሚ ሕጂ ኣብ ግሪኽ ዑቕባ ሓቲቱ ምስ ዝነብር ነቶም በዓል መዚታት ናይቲ ሓታቲ ዑቕባ ናይ ዑቕባ ጠለቡ ናይ ግሪኽ ብቐጥታ ይበጽሖም። ኣብዚ እዋን ድማ እቲ ናይ ዑቕባ ሕቶ ብቕጥታ ደው ይብል፡ ምኽንያት ቲ ናይ ዑቕባ ሕቶኡ ሓንቲ ሃገር ክትምስርሖ ስለ ዘለዋ ኢዩ። ብተወሳኺ፡ ሓደ ውልቀሰብ ኣብ ጀርመን ዑቕባ ሓቲ ምስ ዝነብር ቀጺሉ ድማ ናብ ካልእ ኣባል ኤውሮጳዊ ሕብረት ዝኾነት ሃገር ብዘይ ሕጊ ክ ኣቱ ማብ ዝፍትነሉ ምስ ዝተሓዝ እቶም ናይ ጀርመን በዓል-መዚታት ቕጥታዊ ዝኾነ ሓበሬታ ይበጽሖም።

እቲ ኣሰር-ኣጻብዕ ክድምሰስ ወይ ክእለ ይኽእል ዲዩ፥

እቲ ኣብ ማእከላይ መዓቀቢ ቦታ ዝተዓቀበ ኣሰር-ኣጻብዕ ብጌጋ ምኹኑ ምስ ዝረጋገጽ ወይ`ውን ብዘይ ሕጋዊ ኣገባብ ተዓቂቦም ኣብ ዝርከቡሉ እዋን ብንጡፍነት ክድምሰሱ ይኽእሉ ኢዮም። እንተደኣ ብፍላጥ ነቲ ኣሰር-ኣጻብዕካ ኣንቀሳቂስካዮ ወይ`ውን ክትድምስሶ እንተፈቲንካ፡ እቲ ናይ ዑቕባ ሕቶኻ በቶም ተወከልቲ በዓል-መዚታት ክቃረጽ ይኽእል ኢዩ።

Handbook Germany >ን ሓደስቲ ናብ ጀርመን ንዝመጹ ስደተኛታት ዝርዝራዊ ሓበሬታ ንምሃብ ዝተመስረተ መድረኽ እዩ። ዕላምኡ ድማ ንሓደስቲ ስደተኛታት ብናይ ገዛእ ርእሶም ቋንቋ፡ ብኸመይ ኣብ ዝተፈልየ ሕብረተሰብ ሓድሽ ሂወት ትጅምር ቅልጡፍ ሓበሬታ ይህብ።Handbook Germany (ሃንድቡክ ጀርመን) ን ኣብ ውሽጢ ጀርመን ዘለዉ ስደተኛታት ዝርዝራዊ ሓበሬታ ክህብ እንከሎ፡ ካብ ጀርመን ወጻኢ ዘለዉን ን ጀርመን ክመጽኡ መደብ ዝሓዙን ድማ Rumours about Germany – Facts for Migrants > (ሓቅታት ብዛዕባ ሃገረ ጀርመን) ኣብ ዝብል ሊንክ ዝርዝራዊ ሓበሬታ ምርካብ ይኽእሉ። ሞያውያን ስደተኛታት ድማ “make it in Germany ” (ኣብ ጀርመን ብኸመይ ትብገስ ወይ ትዕወት) ኣብ ዝብል ሊንክ ዝርዝራዊ ሓበሬታ ምርካብ ይከኣል። >ኣብዚ ግዜ’ዚ መርበብ ሓበሬታ Handbook Germany, ንኣብ ጀርመን ዝርከቡ ስደተኛታት ንመዓልታዊ ሂወቶም ዝጠቅም ቅኑዕ ሓበሬታን ውሳነታትን ኣብ ምሃብ ዓቢ ተራ ኣብ ምጽዋት ይረክብ።

ሓደስቲ ንጀርመን ዝኣትዉ ስደተኛታት ብዙሕ ሕቶታት ክህልዎም ይኽእል ዩ። ንኣብነት፡ ናይ ጥዕና ጸገም ምስ ዘጋጥመኒ ንመን ክውከስ ይኽእል? ስራሕ ብኸመይ ክረክብ ይኽእል? ቋንቋ ጀርመን ኣበይ ክመሃር ይኽእል? ደቀይ ንከምህር ኣየናይ ኢንስትዩት ክሕግዘኒ ይኽእል? እዞም ዝተጠቅሱ ሕቶታት ንዝኾነ ካብ ኩናት፡ ግፍዒን፡ ማእሰርትን፡ ግብረሽበራን ሃዲሙ ዝመጸ ስደተኛ ተወሳኺ ጭንቀትን ተጽዕኖን ክፈጥሩ ይረኣዩ።

መርበብ ሓበሬታ Handbook Germany (ሃንድቡክ ጀርመኒ), ነዞም ዝተጠቅሱ ሕቶታትን ካልእን ንምምላስ ርትዓውን ሓቀኛን ሓበሬታ ይቅርብ። ዋና ኣቅራብን ኤዲተርን መርበብ ሓበሬታ (ዌብሳይት) Handbook Germany ዝኾነ “ሞስጅካን እህራሪ” ዝተባህለ ውልቀሰብ ኣነባብራን ባህልን ሕብረተሰብ ጀርመን ምስ እትፈልጥ፡ ብዘይ ጸገም ነብስኻ ክኢልካን ካብ ጽግዕተኝነት ተገላጊልካን ዕዉት ዝኾነ ሂወት ክትጅምር ከም ትኽእል ይገልጽ።

ካብ እሙናት ጋዜጠኛታት ዝተዋህበ ምስክርነትን ርእይቶታትን ንርአ።

ኣብዚ መርበብ ዝርከብ ኩሉ ሓበሬታ ብ ቋንቋ ናይቶም ብቁጽሪ ዝበዝሑ ስደተኛታት ኣብ ጀርመን ማለት ዓረብ፡ ፋርስ፡ ፍሬንች፡ ፓሽቶ፡ ቱርኪሽ ከምኡ ዉን ብቋንቋ ጀርመንን እንግሊሽን ይውሃብ። ሞስጅካን እህራሪ፡ “ዌብሳይትና ቅኑዕን ርትዓውን ሓበሬታ ብምቅራብ ንሰባት ካብ ጌጋ ሓበሬታን ውሳነታትን ንምግልጋል ኢና ንሰርሕ፡” ይብል። እዚ ፕሮጀክት ኣብ መፋርቅ ዓመተ 2017 ብሰንኪ ቅልውላው፡ ብዙሕ ዋሕዚ ስደተኛታት ናብ ጀርመን ኣብ ዝነበረሉ ግዜ ከም ዝጀመረ ይፍለጥ። ዝበዝሑ ካብቶም ስደተኛታት ተንቀሳቃሲ ቴለፎናት ዝውንኑን ዋይ ፋይ ዝጥቀሙን እኮ እንተነበሩ፡ ብገዛእ ቋንቋኦም ሓቀኛ ሓበሬታ ብዛዕባ መዓልታዊ ሂወት ኣብ ጀርመን ንምርካብ ይጽገሙ ከም ዝነበሩ ይፍለጥ። ዋና ኣሰናዳእን ኤዲተርን ናይዚ ዌብሳይት ዝኾነ ሞስጅካን እህራሪ፡ ክሳብ’ዚ ግዜ’ዚ ብ ኦንላይን ብፍላይ ብ ፈይስቡክ ዝዝርጋሕ ዘይተረጋገጸ፡ ናብ ጌጋ ዝመርሕን ናይ ሓሶት ሓበሬታታት ከም ዘሎ ይገልጽ። ኤዲተራት ናይ መርበብ ሓበሬታ Handbook Germany, ተጠቀምቲ መርበባቶም ብዝኾኑ ስደተኛታት ልዑል እምነትን ክብርን ዩ ዝወሃቦም። ናይዚ ምኽንያት ድማ ብዘለዎም ልዑል ናይ ጋዜጠኝነት ተመኩሮን ንባዕሎም መብዛሕትኦም ብስደት ዝሓለፉ ምዃኖምን ዩ። ሞስጅካን እህራሪ፡ ኣባላቱ ተመሳሳሊ ናይ ስደት ተመኩሮ ብምሕላፍ ሕጂ ስጡምን ውሁድን ናብራ ኣብ ሕብረተሰብ ጀርመን ክምስርቱ ከም ዝበቅዑን፡ ሃገረ ጀርመን ከም ገዝኦም ከም ዝርእይዋን ይዛረብ።

ቀዳማይ ብስደተኛታት ዝህሉ ምጥርጣር፡ ኣብ ጀርመን ናይ ምጽናሕ መሰል

ምስ ግዜ ተገዳስነትን ጉዳይን ስደተኛታት እናተቀያየረ ምምጽኡ ይፍለጥ። ኣብዚ ግዜ ዚ መብዛሕቶም ምስ ኤዲተራትን ኣዳለውትን Handbook Germany ዝሳተፉ ተጠቀምቲ፡ ኣብዞም ዝስዕቡ ኣርእስትታት ተገዳስነቶም እናወሰኸ ይመጽእ ኣሎ። መርዓን ፍትሕን፡ ፕሮፈሽናል ዝኾነ ናይ መምዘኒ ብቅዓት ፕሮግራማት፡ ሓደ ሰብ ፕሮፌሽናል ዝኾነ መምዘኒ እንተጠሊቡ ኸ እንታይ የጋጥም፡ ኣብ ጀርመን ናይ ምጽናሕ ተኽእሎ ወይ መሰል ከ ከመይ ዩ? ዝብሉን ካልእ ተመሳሳሊ ሕቶታትን ብብዝሒ ብተጠቀምቲ ዝቀርቡ ጉዳያት ዮም።

ኣብዚ ግዜ’ዚ ጉጅለ Handbook Germany 12 ምዱባትን፡ ዝተወሰኑ ግዜያውያን ሰራሕተኛታትን የጠቃልል። ንዝተወሰነ ጉጅለ ድማ ዘድልዮ ኣዝዩ ምሩጽ ትሕዝቶ ይቅርብ። እዚ ብብዙሕ ቋንቋ ዝቀርብ መርበብ ሓበሬታ ድማ ዝርጋሐኡ እንወሰኸ ይመጽእ ከም ዘሎ ይፍለጥ። ነፍሲ ወከፍ ዓመት ክሳብ 1.5 ሚልዮን ዝበጽሑ ሰባት ሓበሬታ ንምርካብ ነዚ ዌብሳይት ይጥቀሙ። ብተወሳኺ 190,000 ዝበጽሑ ተጠቀምቲ ብመገዲ ፈይስቡክ ስሩዕ ሓበሬታ ይረኽቡ። ሞስጅካም እህራሪ ከም ዝገልጾ ርትዓውን ቅልጥፉን ሓበሬታ ናብ ዝምልከቶም ጉጅለ ኣብ ምትሕልላፍ ፈይስቡክ እቲ ቀንዲ መርበብ ሓበሬታ እዩ። እዚ ብ ፈይስቡክ ዝዝርጋሕ ሓበሬታ ብምቅጻል ናብ ዌብሳይት ብቅልጡፍን ብጻዕቅን ይዝርጋሕ።

እዞም ዝተጠቅሱ ክልተ መርበብ ሓበሬታ ማለት Rumours about Germany – Facts for Migrants ን፡ Handbook Germany ቀንዲ ዕላምኦም ንስደተኛታትን ተመዛበልትን ቅድሚ ናብ ጀርመን ምብጋሶም፡ ኣብ ግዜ ጉዕዞ፡ ከምኡ ዉን ኣብ ጀርመን ምስ በጽሑ ርትዓውን ቅኑዕን ሓበሬታ ኣብ ምሃብ የተኩር። ሞስጅካም እህራሪ ከም ዝገልጾ በዚ ፕሮጀክት እዚ ገና ንመጻኢ ዉን ብዙሓት ስደተኛታትን ተመዛበልትን ትኽክለኛ ሓበሬታ ክረኽቡ ምዃኖም ይገልጽ።

ስደተኛታትን ዝነብርሉ ሕብረተሰብን ኣከባብን ዝያዳ ኹሉ ን ኮቪድ-19 ተነቀፍትን ቅሉዓትን ይኾኑ። ዝተወሰኑ ካብ ዝተፈላለዩ ሃገራይ ዝመጹ ጉጅለ ስደተኛታት መንእሰያት ነዚ ተስፋ ዘቁርጽ ዝመስል ሓደገኛ ሕማም ክቃለስዎ ይፍትኑ። ንሳቶም ኣብ መንእሰያት ዘተኮረ ኣንጻር እዚ ቫይረስ ዝቀንዐ ወፍሪ ጀመሩ። መብዛሕትኦም ዉፉያት ኣባላት ናይዚ ጉጅለ ድማ ተመሃሮን ምሩቃትን ናይ ማህደረ ትምህርቲ UNHCR ላዕለዋይ ደረጃ ትምህርቲ ወይ ብ DAFI (ዳፊ) ዝፍለጥ ፕሮግራም ዮም። ብቀረባ ንኣብ ኬንያ ዘሎ ኩነታት ንከታተል።

ዜጋ ደቡብ ሱዳን ዝኾነት መንእሰይ ኣድሂዩ ንነብሳ ብጣዕሚ ዕድለኛ እያ ትገልጻ። እዚ ኣገራሚ ዝገብሮ ድማ ካብ ሃገራ ብሰንኪ ዘሎ ሓድሕድ ውግእ ኣምሊጣ ክትስደድ ምግዳዳን ከም ኩሎም ብሚልዮናት ዝቁጸሩ ስደተኛታት ዝገጥሞም ኣደራዕን ኣፈላላይን ክወርዳ ብምኽኣሉ ዩ። ንሳ ቅድሚ ቅሩብ ዓመታት ካብ ሃገራ ምስ ተሰደደት ኣብ ጎረቤት ሃገራ ዝኾነት ኬንያ ኣብ ዝርከብ መዓስከር ክትቅመጥ ያ ተገዲዳ። ዕድለኛ ዝገብራ ድማ ኣብቲ ግዜቲ ምስ ፕሮግራም DAFI (ዳፊ) ክትላለ ምብቅዓ ዩ። [https://rumoursaboutgermany.info/facts/dafi-programme/]. እዚ ዝተጠቅሰ ናይ UN (ውዱብ ሕቡራት) ናይ ስደተኛታት ወኪል ካብ ናይ ጀርመን ፈደራላዊ ፎሬን ኦፊስ (Germany’s Federal Foreign Office) ብዝረኽቦ ባጀት ንመንእሰያት ስደተኛታት ኣብ ዝነብርሉ ሃገር ናይ ኮሌጃትን ዩኒቨርሲትን ማህደረ ትምህርቲ ብነጻ ይህብ። ኣድሂዩ ድማ ከም ካልኦት ተመሃሮ ናይ ማህደረ ትምህርቲ ዕድል ብምርካብ ኣብ ከባቢ ናይሮቢ ኣብ ዝርከብ ዩኒቨርሲቲ ጆሞ ኬንያታ ብ ዓውዲ Commerce (ኮመርስ) ትምህርታ ዛዚማ ኣብ ዓመተ 2022 ንክትምረቅ ትምህርታ ኣብ ምክትታል ትርከብ። ቅድሚ እዚ ኣብዚ ግዜ ዚ ኣጋጢሙ ዘሎ ለበዳ ኮቪድ-19 ን ከምኣ ደቀንስትዮ ብ ሜላታት ቢዝነስ ወይ (entrepreneurial skills) ክትምህርን ክተሰልጥንን በቂዓ እያ።

ብገዛእ ርእሳ ዝተሰርሐ ናይ ገጽ ማስክ፡ ሳምናን ቨንቲለይተርን

ኣድሂዩ ትነብረሉ ሕብረተሰብ በዚ ኣጋጢሙ ዘሎ ዓለማዊ ቫይረስ ክጽሎ ምስ ጀመረ ብቅልጡፍ ገለ ንእሽተይ ሓገዝ ከተበርክት ከም ዝተበገሰት ያ ትገልጽ። ኣብ ውሽጢ ሒደት መዓልታት ድማ ልዕሊ 3000 ማስክ ብምስራሕ ኣብ ውሽጢ መዓስከር ክትዝርግሕ ክኢላ። እዛ መንእሰይ ብወለንትኣ እዚ ዝተጠቅሰ ሓገዝ ድሕሪ ምብርካታ፡ “ዝኾነ ክተበርክቶ እትኽእል ሓገዝ እንተድኣ ኣሎ ኮይኑ፡ ብቅልጡፍ ግበሮ ምኽንያቱ እቲ ትኽክለኛ ግዜ ሕጂ ዩ” ትብል። ብድሕሪ እዚ ኣድሂዩ ብኸመይ ብዘይ ቴክኒካዊ መሳርሒ ወይ ማሽን ብቀሊሉ ሳምና ከም ዝስራሕ ብገዛእርእሳ ድሕሪ ምጽናሕ ንጽሬትን ንጽህናን ሓጋዚ ዝኾነ ሳምና ከተፍሪ ከኣለት። ንሳ ዝኾነ ገባሪ ሰናይ መሰረታዊ ሳምና ዘፍሪ ማሽን ክቅርበላ ምስ ዝኽእል ብብዝሒ ሳምና ብምፍራይ ንነብሳን ንኩሉ ትነብረሉ ሕብረተሰብን ዓቢ ኣስተዋጽኦ ምዃኑ ትገልጽ። ንሳ በዚ ደው ከይበለት ንካልኦት ዜጋታት ደቡብ ሱዳን ዝኾኑ ስደተኛታት ተመሃሮ ዉን ን ሕሙማት ኮቪድ-19 ንመተንፈሲ ሓገዝ ዝውዕል ቬንትሌተር ከፍርዩ ከተተባብዕ ጀመረት። ከም ውጽኢቱ ድማ ናብ ትውልዲ ሃገራን ናብ ካልኦት መዓስከራት ስደተኛታትን ክውዕሉ ዝኽእሉ ብቀሊሉን ብቀረባን ክርከብ ብዝኽእል ነገራት ተጠቂሞም ኣብ ምስትንፋስ ትሕግዝ ቬንትሌተር ክሰርሑ በቂዖም ኣለዉ።

ኣተኩሮ ናብ ኣብነተውያንን ዉፉያትን ተመሃሮን ኣበርክትኦም ኣብዚ ለበዳ ሕማምን

ኣባላት ናይ Global Youth Advisory Council (ዓለማዊ ኣማኻሪ መንእሰያት ካውንስል፡ GYAC)ን፡ ብ ተመሃሮ ዝምራሕTertiary Refugee Student Network (ስሉሳዊ ናይ ስደተኛታት ተመሃሮ ኔትዎርክን፡ TRSN) ከም ናይ ኣድሂዩ ዝመሰለ ኣብነታዊ ስራሕ ናይ ዝሰርሑ ስደተኛታት ተመሃሮ ዛንታ ክእክቡ ጀመሩ። እዚ ብ ቪድዮ፡ ስእሊን ጽሑፍን ኣብ ማሕበራዊ መራኸቢታት ክዝርጋሕ ጀሚሩ ዘሎ ናይዞም ኣብነታውያን ተመሃሮ ስራሕ ድማ ዕላምኡ ኣዎንታዊ ስራሕ ናይ ስደተኛታት ተመሃሮን ክግለጽን ንካልኦት ተመሃሮ ድማ ስጉምቲ ንክወስዱ (ብሕክምናዊ ምርምር ዝተደገፈን ብውሑስን መንገዲን) ንከተባብዕን ዩ። ገለ ሓጸርቲ ኦንላይን ቪድዮታት ድማ ንኣሽቱ ስደተኛታት ንሰራሕተኛታት ሕክምና ክሕግዝዎምን፡ ንካልኦት ብወለንትኦም ከሰልጥንዎምን፡ ከምኡ ዉን ኣብ ሓደጋ ንዘለዉን ተነቀፍትን ሰባት ሓገዝ እንሃቡ ይርኣዩ። ንተኸታተልቲ ናይቲ ቪድዮ ድማ ሼር ክብልዎን ናይ ገዛእ ርእሶም መሃሪ ቪድዮ ክሰርሑን የተባብዑ።

https://www.unhcr.org/stories.html

Follow (ፎሎው): @UNHCR_GYAC @StudentRefugee

https://sites.google.com/view/trsn/home

ምሩቅ ፕሮግራም DAFI (ዳፊ) ዝኾነ ነርስ ዒራቃዊ ሞሀይማን ንኢራናውያንን ንስደተኛታት ብጾቱን ብዘይ ዕረፍቲ ኣብዚ ናይ ኮቪድ-19 ለበዳ ኣብ ምትሕግጋዝ ይርከብ

“ድሌተይ ኣወንታዊ ለውጢ ምምጻእ ዩ…………”

“ሞሀይማን ኣልክሃታቪ” ወዲ 24 ዓመት ዒራቃዊ ስደተኛ ኮይኑ ኣብ ኣባዳን ከተማ ኩዘስታን ናይ ኢራን እስላማዊ ሪፓፕሊክ ንሸነኽ ደቡባዊ-ምዕራብ “ቴለግሃኒ” ኣብ ዝብሃል ሆስፒታል ከም ነርስ የገልግል።
“ሞሀይማን” ኣባል ናይ ሓንቲ ብጻዕቂ ትሰርሕ ግሩፕ ነርስ ኮይኑ ብ ሺፍት እናተቀያየሩ ሰሙናዊ ክሳብ 50 ንዝበጽሑ ክውሸቡ ንዝመጹ ተሓከምቲ ብምቅባል ክሳብ ውጽኢት ኮቪድ-19 ዝመጽእ ይከናኸኑ። ንሱ ብስሩዕ ናይ ተሓከምቱ ኣተነፋፍሳን ካልእ ምልክታትን እናተኻታተለ ዝግበኦም መድሃኒት እንሃበን ካብ ቃንዛ ክናገፉ ይሕግዞም። “ሞሀይማን” ኣቡኡ ቅድሚ ኣርብዓ ዓመታት ብሰንኪ ስእነት ውሕስነት ካብ ከተማ ኣማረህ ደቡባዊ ምብራቅ ዒራቅ ሃዲሙ ናብ ኣህዋዝ ኢራን ብስደት ምስ መጸ ተወሊዱ። ናይ ካልኣይ ደረጃ ትምህርቱ ምስ ዛዘመ ከኣ ብ መንግስቲ ጀርመን ኣብ ዝምወል ናይ UNHCR DAFI (ዳፊ) ማህደረ ትምህርቲ ብ ነርሲን ናይ ዩኒቨርስቲ ዲግሪ ትምህርቱ ክከታተል በቂዑ። ንሱ “ ከም ዝዝክሮ መብዛሕትኡ ሰብ ስደተኛ ብምዃነይ ኣብ ዩኒቨርሲቲ ምምሃር ክሓስቦ ከም ዘይብለይን፡ እንተኽኢለ ቀሊል ናይ ንግዲ ትምህርቲ ክወስድን ይመኽረኒ ኔሩ” ይብል። ቀጺሉ “ኣነ ግን ኣብ ሂወት ሰባት ኣዎንታዊ ለውጢ ከምጽእ ዩ ድሌተይ” ይብል።

https://www.unhcr.org/ph/18521-covid19-refugeenurse.html

ናይ ፕሮግራም DAFI (ዳፊ) ምርቅቲ ርዋንዳዊት ነርስ “ባሃቲ” ናይ ቅድመ ምረቃ ግዜኣ ኣብ ሆስፒታል ናይሮቢ ናይ ምሸታዊ ክፍለግዜ ንኬንያውያን ናይ ኮቪድ-19 ተሓከምቲ ትኣሊ

“ነርስ ንምዃን ዝመረጽክሉ ምኽንያት ኩሉ ግዜ ኣብ ዝሕተተሉ ሓገዝ ንምሃብ ድልውቲ ንምዃን ስለ ዝደሊ የ።”

“ባሃቲ ኤርነስቲን ሃተገኪማና” ዕድመ 25 ብማህደረ ትምህርቲ DAFI (ዳፊ) ኣብ 2014 ብዝረኸበቶ ዕድል ነርሲን ኣብ ምጽናዕ ትርከብ። ንሳ ኣብ ርዋንዳ ድሕሪ ምውላዳ ኣብ 1996 ምስ ወለዳ ናብ ኬንያ ተሰዲዳ። ኣብኡ ድማ ናይ መባእታን ካልኣይን ደረጃ ትምህርታ ዛዚማ። ካብ ትምህርቲ ዕረፍቲ ኣብ ትኾነሉ ግዜ ብወለንትኣ ምስ ‘ኣህጉራውያን ፊዚሻን ን ምክልኻል ንዩክሌራዊ ኩናትን ብድሕሪ ሳይንስ ዘሎ ጠንቂን’ ምስ ዝተባህለ ጉጅለ ትሰርሕ። ባሃቲ ኣብ 2019 ትምህርታ ብምዝዛም ተመሪቃ። ካብ 2020 ጀሚራ ድማ ብ UNHCR ኬንያ ኣብ ሃገራዊ ናይ ዉዱብ ሕቡራት ውጥን ተቆጺራ ትሰርሕ ኣላ። ብተወሳኺ ንመንእሰያት ኣብ ምንቃሕ ትሰርሕ። ኣብ ናይ ሕክምና ኢንተርንሺፕ ግዚኣ ድማ ኣብ ሆስፒታል ናይሮቢ ትሰርሕ። ባሃቲ ንጥፍቲ ኣባል ናይ ስሉሳዊ ናይ ስደተኛታት ተመሃሮ ኔትዎርክን ኮይና ኣብ ኣንጻር ኮቪድ-19 ኣብ ዝግበር ብ መንእሰያት ዝምራሕ ቅልስ ድማ ኣበርክቶኣ ዕዙዝ እዩ።

https://www.unhcr.org/ph/18491-apr2020-enews-covid19refugees.html/bahati

ምሩቅ ፕሮግራም DAFI (ዳፊ) ተወላዲ ኮንጎ ዶክተር ጆናስ ኣብ ሆስፒታል ርዋንዳ ንምልክታት ኮቪድ-19 ዝተራእዮም ተሓከምቲ ይተሓጋገዝ።

”ካብ ዓባይን ዘይተማህረትን ስድራቤት እየ ተወሊደ። ትምህርቲ ኣብ ስድራቤትን ሕብረተሰብን ዝህቦ ጥቅሚ ክሳብ ክንደይ ዓቢ ምዃኑ ብምስትውዓለይ ዩ ድማ ዝዓበየ ተበግሶይ።”

ዶክተር ጆናስ ወዲ 29 ዓመት ኮይኑ ኣብ 1996 ዝጀመረ ኪዚባ ዝተባህለ ኣብ ልዕሊ ጎቦታት ዝተደኮነን ናብ ቀላይ ኪቩ ዝጥምትን ናይ ርዋንዳ ዝገደመ መዓስከር ምስ ልዕሊ 17,000 ስደተኛታት ይቅመጥ ነበረ። እዚ መዓስከር እዚ ነቶም ካብ ጎረቤት ሃገር ዲሞክራስያዊት ሪፖፕሊክ ኮንጎ (DRC) ኣብ ዝነበረ ኩናት ሃዲሞም ዝመጹ ዓሰርተታት ኣሽሓት ስደተኛታት ዝተደኮነ እዩ። ካብ 2012 ጀሚሩ ናይ DAFI (ዳፊ) ተመሃራይ ዝነበረ ጆናስ ካብ 800 ተወዳደርቲ ተመሪጹ ክመሃር በቂዑ። ከምቲ ልዑል ትጽቢት ዝተገብረሉ ድማ ኣብ 2018 ብ ሜዲካል ዶክተር ክምረቅ በቂዑ። ኣብ መዓስከር ኪዚባ ወላ ዉን ኣብ ምሉእ ርዋንዳ ቀዳማይ ስደተኛ ብዓውዲ medicine (መዲሲን) ዝተመረቀ ክኸውን በቂዑ። ኣብዚ ግዜ እዚ ኣብ ብዩምባ ዝተባህለ ዞባዊ ሆስፒታል ለበዳዊ ሕማም ኮቪድ-19 ንምምካት ብዝለዓለ ይሰርሓሉ ኣሎ። ንሱ “ብ ኮቪድ-19 ዝተጠርጠሩ ሰባት ብምውሻብ እቲ ቫይረስ ዝተረኽቦም ሰባት ድማ ንዝለዓለ ሕክምናን ክንክንን ኣብ ፍሉይ ክፍልታት ንሰዶም” ይብል።

ንስኻ’ኸ ከም ስደተኛ መንእሰይ ትምህርትኻ ንምቅጻል ተጸጊምካ ዶ? ናብ ላዕለዎት ትካላት ትምህርቲ ንምጽንባር ቁጠባዊ ጸገም ኣጋጢምካ ዶ? መልስኻ እወ እንተኾይኑ ነጻ ማህደረ ትምህርቲ (ስኮላርሺፕ) ንምርካብ ምስ DAFI ናይ UNHCR ፕሮግራም ክትላለን ክትፈልጦን ይግበኣካ። ሊንክ [https://www.unhcr.org/dafi-scholarships.html]. ን ሂወት ብዙሓት ክልውጥ ዝኽእል ኣገዳሲ ፕሮግራም ዩ።

ብኻልእ ኣሰያይማ DAFI (ዳፊ) “ኣልበርት ኣንስታይን ናይ ስደተኛታት መሰልጠኒ ማእከል ጀርመን” ተባሂሉ ይጽዋዕ። ኣብዚ ግዜ እዚ ናይ ዉዱብ ሕቡራት ወኪል ስደተኛታት ዝኾነ ፕሮግራም DAFI (ዳፊ) ብ ደገፍ መንግስቲ ጀርመንን ውልቃውያን መሻርኽቲ ኣካላትን ኣብ ልዕሊ 50 ዝበጽሓ ሃገራት ን መንእሰያት ስደተኛታት ናይ ዩኒቨርሲቲን ኮሌጅን ማህደረ ትምህርቲ (ስኮላር ሺፕ) ይህብ።

ካብዚ ፕሮግራም ዝጀመረሉ ዓመተ 1992 ክሳብ ሕጂ ልዕሊ 18,000 ኣብ ስደት ዝነብሩ መንእሰያት ትምህርቶም ናብ ዝለዓለ ደረጃ ክቅጽሉ በቂዖም።

ኣብ ዓመተ 2019 ጥራይ ፕሮግራም DAFI (ዳፊ) ንልዕሊ 8,200 ተመሃሮ ማህደረ ትምህርቲ (ስኮላርሺፕ) ብምሃብ ክፍሊት ትምህርቲ፡ መጻሕፍቲ፡ መግቢ፡ መጓዓዝያ፡ ክራይ ቤትን ካልእ ወጻኢታትን ምሉእ ብምሉእ ሸፊንሎም።

ናይ ጀርመን ናይ ወጻኢ ፈደራል ኦፊስ ኣብ ዓመተ 2019 ጥራይ 16.25 ሚልዮን ዩሮ ነዚ ፕሮግራም ወጻኢታት ዝገበረ ኮይኑ፡ ንዝቅጽል ዓመታት ዉን ምወልኡ ክቅጽል ዩ።

ተመሃሮ DAFI (ዳፊ) ተወሳኺ ሓገዛት ብ ጥቡቅ ክትትልን ምድላዋትን ትምህርቲ ቋንቋ ከከም ድሌት ናይ ተምሃርኡ ይህብ። ኣብ ልዕሊ እዚ ዝተጠቅሰ ከም ተወሳኺ ስነኣእምራዊ ሓገዝ፡ ምኽሪ፡ ዕድላት ኔትዎርኪን ካልእን ከከም ዘድልዮም ብ ጥቡቅ ክትትል ይወሃቦም። እዞም ዝተጠቅሱ ገለ ካብቶም በዚ ፕሮግራም ዝወሃቡ ተወሰኽቲ ረብሓታት ዮም።

ኣብ ዓመተ 2019 ዝበዝሐ ካብቲ ብ DAFI scholarships (ዳፊ) ዝተዋህበ ማህደረ ትምህርቲ ኣብዘን ዝስዕባ 5 ሃገራት ኔሩ።

1. ኢትዮፕያ
2. ቱርኪ
3. ጆርዳን
4. ኬንያ
5. ፓኪስታን

እዞም ነዚ ዕድል ማህደረ ትምህርቲ ዝረኸቡ ተመሃሮ DAFI (ዳፊ) ድማ ዜጋታት ሶርያ፡ ኣፍጋኒስታን፡ ደቡብ ሱዳን፡ ሶማልያ፡ ዲሞክራስያዊት ሪፓብሊክ ኮንጎን፡ ሃገረ ሱዳንን ዮም።Sudan.

ንዝያዳ ሓበሬታ ንምርካብ ሰርች ብምግባር ተወከስ።

ንስኻ’ኸ ከም መንእሰይ ስደተኛ ማህደረ ትምህርቲ (ስኮላርሺፕ) ትደሊ ዶ? ን ዝያዳ ሓበሬታ Scholarship portal ሊንክ ሰርች ብምግባር ምንባብ ይከኣል። ብ ተወሳኺ ኣብ ፈይስ ቡክ፡ ትዊተር ፎሎው ብምግባር ሓበሬታ ምርካብ ይከኣል።

ንጀርመን ኣየናይ ቪዛ የድልየኒ?

ናብ ጀርመን ናይ እግሪ ዙረት ይደሊ ናይ ሃገር በጻሒ , ንንግዲ , መጽናዕትታት , ንስራሕ , ምድብላቕ ናይ ጀርመን ቤተሰብ.

ናይ ቪዛ ዓይነት:
https://visa.diplo.de/visa-guide/de/#/vib
(ብእቲ ወቕቲ ጥራይ እንግሊዝኛ ከምኡውን ጀርመን)

ብዓይነቱ ናይ መጀመርታ እዋን ዝዀነ ንዕቑባት ስደተኛታት ዝምልከት ዓለም-ለኻዊ መጋባኣያ (GRF)፡ ንዕለት 17ን 18ን ታሕሳስ 2019 – ኣብ ጀኔቫ (ስዊዘርላንድ) ክካየድ እዩ። ዓመት ድሕሪ ምጽዳቕ ዓለም-ለኻዊ ውዑል ዕቑባት ስደተኛታት (GCR)፡ (GCR) ነቶም ዝረቐቑ ሸቶታት/ዒላማታት ንምትግባር ዘኽእል ኣገዳሲ ዕድል ክፈጥር ክኢሉ። ከም ተሳማማዕቲ ሃገራት መጠን – ጀርመን፡ ኢትዮጵያ፡ ፓኪስታን፡ ኮስታ-ሪካን ቱርኪን፡ ብዛዕባ እቶም ኣብ መዳይ ኵነታት ዕቑባት ስደተኛታት ኣተኲርካ ኪውሰዱ ዝግባእ ዝሓየሉ ሓባራውያንን ዓለም-ለኻውያንን መልሰ-ግብርታት ድርኺት ኣብ ምፍጣር ምስ ናይ ውድብ ሕቡራት ሃገራት ትካል ዩ.ኤን.ኤች.ሲ.ኣር. (UNHCR) ብሓባር ኰይነን ይሰርሓ ኣለዋ።

ሸቶ ናይ’ዚ ንዕቑባት ስደተኛታት ዝምልከት ዓለም-ለኻዊ መጋባኣያ፡ ኣብ መዳይ ትግባረ ዓለም-ለኻዊ ውዑል ዕቑባት ስደተኛታት ድርኺት ከምዝበጋገስ ብምግባር፡ ኣብ ሞንጎ ዕቑባት ስደተኛታት ኰነ ኣዕቈብቲ ሃገራት ዝያዳ ምቕሩሕ ዝዀነ ሰኸምን ሓላፍነትን ንኽህሉ ምርግጋጽ እዩ።

#ንዕቑባት ስደተኛታት ዝምልከት መጋባኣያ፦ ቅጽበታዊ መልሰ-ግብርን ንነዊሕ እዋን ዝዀኑ ፍታሓትን

1. ተሳተፍቲ GRF ኣብ’ዞም ሽዱሽተ ቴማውያን ሸነኻት ኣርእስቲ ከም ጽምዶኣውያን ተሰከምቲ ሓላፍነት ኰይነን ንኽዋስኣ ዕድመ ይግበረለን፦
2. ተኻፋልነት ኣብ ሰከም
3. ትምህርቲ
4. Eጸዓትን ትሕተ-ቅርጽን
5. ዕድላት ስራሕን ገንዘባዊ ኣታዊን
6. መጽለልን ምምዕባል ዓቕምን
7. ንነዊሕ እዋን ዝዀኑ ፍታሓት

ኣብ እዋን ምክያድ ናይ’ዚ መጋባኣያ እዚ፡ ነፍሲወከፍ ቴማዊ ሸነኽ ኣርእስቲ ብመልክዕ ላዕለዋይ ደረጃ ዘለዎ ዝርርብ፡ ጐድናዊ ኣጋጣሚ/ውራይ፡ ከምኡ’ውን ብመልክዕ ኣቓልቦ ሚድያ ዝተዋህቦ ክፍለ-ግዜ ክቐርብ እዩ።

ሃገረ-ጀርመን ንዕቑባት ስደተኛታት ብዝምልከት ኣብ ዓለም-ለኻዊ መጋባኣያ ካብ ዝሰማምዓ ዘለዋ ሃገራት ሓንቲ እያ።

ንዕቑባት ስደተኛታት ብዝምልከት ኣብ ዓለም-ለኻዊ መጋባኣያ ካብ ዝሰማምዓ ዘለዋ ሃገራት ሓንቲ ከም ምዃና መጠን፡ ካልኦት ሃገራት ኣብ መዳይ ኣተሓሕዛ ኵነታት ዕቑባት ስደተኛታት ኰነ ምውሃብ ደገፍ ነቶም ኣዕቈብቲ ኮማት፡ ዝያዳ ተሳተፍቲ ንክዀና ኣብ ምውፋረን ትርከብ። ብዘይካ’ዚ፡ ነቲ ኣብ መዳይ ትምህርቲ ዝነጥፍ ቴማዊ ጕጅለ፡ ዋሕስ ኰይና ክትኣልዮ እያ። ብዘይካ’ዚ፡ ንጕጅለ ዕማም ናይ ሳልሳይ ደረጃ ትምህርቲ ክትመርሕ እያ።

ከም ኣካል ናይ’ዚ እትወስዶ ዘላ ጽምዶኣዊ ስጉምቲ፡ ሃገረ-ጀርመን ሓደስቲ ደገፍቲ ናይ’ቲ ንዕቑባት ስደተኛታት ዘገልግል ኣካዳምያዊ ተበግሶ ኣልበርት ኣንስታይን ጀርመን (DAFI)፡ ከምኡ’ውን ፕሮግራም ላዕለዋይ ማህደረ-ትምህርቲ ዩ.ኤን.ኤች.ሲ.ኣር./UNHCR ተዋፍር ኣላ። ፕሮግራም DAFI፡ ኣብ መላእ ዓለምና ዝርከቡ ዕቑባት ስደተኛታት ተጠቀምቲ ዕድላት ላዕለዋይ ደረጃ ትምህርቲ ንክዀኑ ቀንዲ ተራ ተጻዊቱ እዩ። እዚ ፕሮግራም እዚ ኣብ ዓመተ-1992 ካብ ዝምስረት ንዳሓር ብቐሊሉ ዘይጥመት ዕብየት ከርእይ ክኢሉ ኣሎ። ዛጊት 15,500 ተማሃሮ፡ ኣብ ልዕሊ 50 ዕቝባ ዝሃባ ሃገራት ኣብ ዝርከባ ዩኒቨርሲቲታትን ኮሌጃትን ኣትዮም ንኽመሃሩ ደገፍ ገይሩ ኣሎ።

ሃገረ-ጀርመን – ኣአንጋዲትን ንዩ.ኤን.ኤች.ሲ.ኣር./UNHCR ደገፍ እትገብር ኣገዳሲት ሃገርን

ጀርመን፡ ሓምሸይቲ ብደረጃ ዓለም ብዝሒ ዘለዎም ዕቑባት ስደተኛታት ዘስፈረት፡ ከምኡ’ውን ናይ ውድብ ሕቡራት ሃገራት ንዝዀነ ትካል ዩ.ኤን.ኤች.ሲ.ኣር./UNHCR ልግሲ ካብ ዝገብራ ካልኣይቲ ዝዓበየት ሃገር። እዚ ዕቑባት ስደተኛታት ይኹኑ እቶም ዘዕቍብዎም ኮማት ደገፍን ውሕስነትን ከምዝረኽቡ ኣብ ምግባር ዝዓለመ ጽምዶኣዊ ተበግሶ እዚ፡ ሰፊሕ ተፈላጥነትን ተቐባልነትን ዘለዎ እዩ።

ቀንዲ ሓቃዊ ነጥብታት

• 1ይ ንዕቑባት ስደተኛታት ዝምልከት ዓለም-ለኻዊ መጋባኣያ፦
17/18 ታሕሳስ 2019 ኣብ ጀኔቫ (ስዊዘርላንድ)
• ጀርመን ምስ ኢትዮጵያ፡ ፓኪስታን፡ ኮስታ-ሪካን ቱርኪን ብምዃን፡ ንዕቑባት ስደተኛታት ብዝምልከት ኣብ ዓለም-ለኻዊ መጋባኣያ እትሰማማዕ ዘላ ሃገር እያ። ዩ.ኤን.ኤች.ሲ.ኣር./UNHCR ከምኡ’ውን ሃገረ-ስዊዘርላንድ ነዚ መጋባኣያ እዚ የአንግድዎ ኣለዉ።
• ኣቐዲሙ ትንበያዊ ግምት እተወስደሉ ውጽኢት፦ ንዕላማታት ዓለም-ለኻዊ ውዑል ዕቑባት ስደተኛታት (GCR) ድርኺት ክፈጥሩሉ ዝኽእሉ ጭቡጣት መብጽዓታትን ኣበርክቶታትን።
• እዚ ንዕቑባት ስደተኛታት ዝምልከት ዓለም-ለኻዊ መጋባኣያ እዚ፡ ነገራዊ ቀረባትን ዕዮታትን ናብ ምርግጋጽ ትግባረ ዓለም-ለኻዊ ውዑል ዕቑባት ስደተኛታት ገጾም ከምዝቐንዑ ምግባር ኣብ ዝብል ዕላማ ብምትኳር፡ ኣብ ነፍሲወከፍ ኣርባዕተ ዓመታት ክካየድ እዩ።
• ላዕለዎት ሓለፍቲ ናይ’ዘን ኣባላት ዝዀና ሃገራት ኣብ ነፍሲወከፍ ክልተ ዓመታት ክጋብኡን ኵነተ-ገስጋስ ክከታተሉን እዮም።
• ላዕለዋይ ኮሚሽን ስደተኛታት ናይ ውድብ ሕቡራት ሃገራት፡ ዓመታዊ፡ ገስጋሳዊ ጸብጻብ ናብ ሓፈሻዊ ባይቶ ውድብ ሕቡራት ሃገራት ከቕርብ እዩ።

ተወሳኺ ሓበሬታ፦

መንግስቲ ሃገረ-ጀርመን
https://www.bundesregierung.de/breg-de/themen/migration-und-integration
(ኣብ ጀርመን)

ፈደራላዊ ቤት-ጽሕፈት ጉዳያት ወጻኢ
https://www.auswaertiges-amt.de/en/aussenpolitik/themen/migration
ትዊተር፦ @GermanyDiplo #RefugeeCompact #RefugeeForum

ዩ.ኤን.ኤች.ሲ.ኣር./UNHCR
https://www.unhcr.org
https://www.unhcr.org/global-refugee-forum.html
https://www.unhcr.org/dach/de/was-wir-tun/globaler-pakt (ኣብ ጀርመን)
https://www.unhcr.org/the-global-compact-on-refugees.html
ትዊተር፦ @refugees #RefugeeCompact #GCR #RefugeeForum

እቲ ዓለምለኻዊ-ዝኾነ ናይ ገዓዝቲ ድርጅት ሞባይል-አፕ , ሚግ’አፕ MigApp፤ ስደተኛታት አብ’ግዜ ጉዕዞኦም ብደምቢ ተረዲኦም ውሳኔኦም ንኽውስኑ ንምግባር፤ ዘተአማምን’ን ተግባራዊ ዝኾነ’ን ሐበሬታ ይህብ’ዩ። እቲ ዘመናዊ ናይ ዲጂታል-መድረኽ፤ ነቶም ተጠቀምቲ ብዛዕባ’ቲ ዘሎ ስግአት፤ ናይ’ቪዛ ሕቶታት፤ ናይ’ጥዕና ሐልዮት፤ ሕግታት’ን ፖሊሲታት’ን ብዝምልከቱ፤ ሐበሬታ ይህብ’ዩ። ብተወሳኺ እውን እቲ “አፕ” ንገዓዝቲ ኻልእ አገልግሎታት ይህብ’ዩ፤ ኾምኡውን ምስ’ካልኦት ገዓዝቲ ርክብኩም ንኸይተቋርጹ፤ ይሕግዝ’ዩ። ብ’ሐጺሩ፤ MigApp ድልየት ናይ ገዓዝቲ ንምምላእ፤ እቲ ዝሐሸ መራኸቢ ኢዩ።

ዝኾነ’ገዓዚ ናብ ካልእ-ሃገር ምስ’ዝቕይር፤ አገደስቲ ንዝኾኑ ሕቶታት’ከም ብዛዕባ ናይ’ቪዛ ስርዓታት ወይድማ አብ’ቲ ዘለኹሞ ሃገር፤ አበይ ኬድኩም ሐገዝ ክትረኽቡ ከም’ትኽእሉ ንምፍላጥ፤ ዘተአማምኑ መልስታት ንምርካብ፤ ብጣዕሚ አጸጋሚ ክኸውን ይኽእል’ዩ። ገዓዝቲ ድማ ብዙ’ግዜ ብዙሕ ሕቶታት ኢዩ ዘለዎም፡

• እቶም ከጋጥሙኒ ዝኽእሉ ስግአታት፤ አየኖት’ዮም?
• አየናይ ናይ’ቪዛ ስርዓት’ዩ አገልገሎት ዘለዎ?
• ናይ ጥዕና-ጸገም ምስ’ዘጋጥመኒ፤ ካበይ-እየ ሐገዝ ኽረክብ ዝኽእል?
• አብ’ዚ ቑሩ’እዋን፤ አብ’ሕግታት ይኹን አብ’ቲ ስርዓታት ዝተገብረ ለውጥታት አሎ’ድዩ?

MigApp ሰፊሕ’ን ሐድሽ ዝኾነ’ን ሐበሬታ የቅርብ’ዩ ~ንተጠቃሚ ዝተቓለለ’ኾይኑ፤ ኩሉ-አብ’ሐደ~

5 ፍሉጣት ጠባያት ወይ’ድማ ባህርያት ናይ MigApp:

አስተርጓሚ ንሕክምና፤
ናይ MigApp አስተርጓሚ ናይ ሐኪም’ን ተሐካም’ን፤ አብ’ቲ ናይ ሕክምና ቆጸራኹም አብ’ናይ ቋንቋ ጸገማት ክሕግዘኩም’ዩ። እቲ ዝርዳአኩም ቋንቋ (ኾምኡውን ናይ’ቲ ሐኪም) ምስ’ሐበርኩም፤ MigApp አብ’ሞንጎ ሐኪም’ን ተሐካም’ን አብ’ዝግበር ዝርርብ፤ አብ’ቲ መስርሕ ናይ ምትርጓም፤ ሐደ’ብሐደ ኽመርሐኩም’ዩ።

ዓለም-ዓቀፋዊ ክስተታት፤
አብ’ቲ ትቕመጡዎ ዘለኹሞ ሃገር፤ ብዛዕባ ዝተነግሩ-ሐበሬታታት (ከም ናይ ግብረ-ሽበራ ወይድማ ናይ ጥዕና-መጠንቀቕታታት) መታን ከይሐልፈኩም፤ ናይ MigApp ናይ መዘኻኸሪ-ሲስተም ወልዑዎ።

ናይ ገንዘብ ምትሕልላፍ፤
እቲ ናይ ገንዘብ ምትሕልላፍ ናይ MigApp ምስ’ቶም ካልኦት ላአኽቲ-ገንዘብ ምስ’ነራአእዮ፤ አብ እዋናዊ-ሳዓት፤ ተመሳሳሊ ዝኾነ ናይ’መልአኺ ክፍሊት’ን ሸርፍ’ን አለዎም። ስለዚ’ድማ፤ ንሃገርኩም ዝያዳ ገንዘብ ንኽትልእኩ፤ ይሕግዘኩም ኢዩ።

ናይ’ጉዕዞ፤ ናይ’ቪዛ’ን ናይ’ጥዕና’ን ስርዓታት፤
ነቲ ጉዕዞኹም ዘድሊ ሐበሬታ (ከም፡ ሕግታት ናይ ቪዛ’ን ናይ’ጥዕና’ን) ንምርካብ፤ እቲ ትብገሱሉ-ዘለኹም’ን ትኸዱዎ ዘለኹም’ን ሃገር’ን ምረጹ።

ወለንታዊ-ምምላስ’ን ዳግማይ-ምውህሃድ’ን፤
ብዛዕባ ወለንታዊ-ምምላስ’ን ዳግማይ-ምውህሃድ’ን (AVRR) ብዝምልከት መደብ ናይ’IOM፤ ዝያዳ ሐበሬታ ውሰዱ።

AVRR እንታይ ኢዩ?

AVRR፤ ነቶም ብወለንቶኦም ናብ ትውልዲ-ሃገሮም ዝምለሱ ገዓዝቲ ዝወሃቦም ሐገዛት ከም፡ ምሕደራዊ፤ ሎጂስቲካው’ን ቁጠባው’ን ሐገዛት ኾምኡውን ሐገዝ ናይ ዳግማይ-ምውህሃድን፤ ዘመልከት’ዩ።

ሚግ አፕ MigApp አብ iOS አያኦስ and አብ Androidአንድሪዮድ ምጥቃም ይካአል’ዩ።

MigApp አብ /em>Facebookፌስቡክ, አብ Instagramኢንስታግራም, አብ LinkedIn ሊንክድኢን እና አብ Twitterትዉቴር ተኸታተሉ።