icon-share

ጭብጥታት ፈትሽ - ወጻእተኛታት ክፈልጥዎ ዘለዎም ኣብዚ እንሀለ

ሓቂ`ዶ ሓሶት?

ደላሎ ኣብ ጉዕዞኻ ክሕልዉኻ ይኽእሉ ድዮም?

ኣይፋል

ክትፈልጦ ዘለካ፡ ደላሎ ኣካል ናይ ውዱባትን ጥርኑፋንትን ጃንዳ ገበናውያን ክመ ሙኻኖም እዩ። ንዖኦም ዘገድሶም እቶት ገንዘብ ጥራይ እዩ። መብዛሕትኦም እንተተሃረምካ ኮነ ኣብ መንገዲ እንተሞትካ ዘገድሶም ኣይኮነን። ብዘይ ሕጋዊ መንገዲ ንኦይሮጳ ወይ ንጀርመን ምስ እትመጽእ ንሂወትካ ኣብ ሓደጋ ተእትዋ ኣለኻ።

ተወሳኺ »

ሓቂ`ዶ ሓሶት?

ናብራ ኣብ ኦይሮጳኸ ቀሊልዶ ይኸውን?

ኣይፋል

ምናልባት ናብራ ቀሊል እዩ ዝብል ወረ ሰሚዕካ ትኸውን። ብዙሓት ዑቕበኛታት፡ ኣብዚ ምስ ኣተዉ ጉዳዮም ስጋብ ዝጽናዕ፡ ኣብ መጽለሊ ብዙሓን ክነብሩ ይግደዱ፡፡ ብዙሓት እውን ዑቕባ ንኽረኽቡ ዕድል ዝለ ዘይብሎም፡ ሓተትኦም ይንጸግ - ኣብዚ ንኽነብሩ ኣይፍቀደሎምን፡ ካብ ጀርመን ንኽወጹ ድማ ይግደዱ። ብዘይ ገንዘብ ተመሊሶም ድማ ካብ ዜሮ ሂወቶም ክመርሑ ክጅምሩ ይግደዱ። ናይ ዑቕባ መሰል እንተረኸቡ እውን፡ ስራሕ ክረኽቡ ጸገማት ከጋጥሞም ይኽእል እዩ። ናብራ ክቡር እዩ፡ መናበሪኻ ዝኸውን ሰሪሕካ ከትምእርር ከቢድ እዩ፡፡ ስለምንታይ ደኣ እዮም፡ ብዙሓት ትሰምእዎም ወረታት ጽቡቕ ዝመስሉ? ብዙሓት ወጻእተኛታትን ናይ ገዛእ ርእሶም ገንዘብ ጥራይ ዘይኮነ፡ ናይ ቤተሰቦም ገንዘብ ንኦይሮጳ መጉዓዚ የጥፍእዎ። ኣብ ቅድሚ ኣብ ዓዲ ዘለዉ ስድራቤቶምን መሓዙቶምን/ ኣዕሩኽቶምን ተዓዊትና ክብሉ ይደልዩ - ወላ እኳ ኣብ ከቢድ ኩነታት ወዲቖም ዝርከቡ እንተኾኑ።

ተወሳኺ »

ሓቂ`ዶ ሓሶት?

መንግስቲ ጀርመን ስራሕ ይህበካ ድዩ?

ኣይፋል

መንግስቲ ጀርመን ንስደተኛታት ናይ ስራሕ ቦታ ኣይህብን እዩ። ሓተቲ ዑቕባ ምስኣተዉ፡ ንግዚኡ ናይ ስራሕ ፈቓድ ኣይወሃቦምን እዩ፡ ወላ ውን ናይ ዑቕባ መሰልን፡ መንበሪ ፈቓድን ረኺቦም እንተኾኑን፡ ስራሕ ንኽትረክብ ብዙሕ ዓመታት ይወስድ።

ተወሳኺ »

ሓቂ`ዶ ሓሶት?

መቐበሊ ክፍሊት ክወሃበካ ድዩ?

ኣይፋል

ከምቲ ዘይተረጋገጸ ወረን ብኣፍልጦ ብደላሎ ደቂ ሰባት ዝዝርጋሕ ጌጋ ሓበሬታን ዝብሎ ኣይኮነን፡ ጀርመን መቐበሊ ክፍሊት ኣይክትህብን እያ። ከምዚ ዝኣመሰለ ወረ ብምዝርጋሕ ደላሎ ዓመዊል ንኽስሕቡ ዝነዝሕውዎ እዩ። ብኣፍልጦ ድማ ሂወት ሰባት ኣብ ሓደጋ የውድቑ።

ሓቂ`ዶ ሓሶት?

ቋንቋ እንግሊዝኛ ኣብ ጀርመን ከንቀሳቕሰካ ይኽእልዶ?

ኣይፋል

ኣብ መዓልታዊ ስርሓት ኣመሓደርቲ ምሕደራታትን መብዛሕትኦም ሰራሕተኛታት ካምፓኒታት ቋንቋ ጀርመን ጥራይ ዝዛረቡ። ብጣዕሚ ሒደት ናይ ስራሕ ዕድላት ቋንቋ ጀርመን ኣጸቢቕካ ከይመለኽካ ዝርከቡ።

ተወሳኺ »

ሓቂ`ዶ ሓሶት?

ንዓድኻ ክትከይድ እናደለኻ`ዶ ጀርመን ናብ ካልእ ቦታ ክትሰደካ ትኽእል እያ?

ኣይፋል

ካብ ጀርመን ብወለንታኻ ክትወጽእ ፈቓደኛ እንተድኣ ኬንካ፡ ወይ ናብ ዓድኻ ወይ ውን ናብ ካልዕ ስሉስ-ሃገር፡ ማለት እታ ዓዲ ንኽትቅበለካ ድልውቲ ምስ እትኸውን፡ ጀርመን ናብኡ ክትሰደካ ትኽእል እያ፡፡ ቅድሚ ናብ ዓድኻ ምኻድካ ጀርመን ናብ ካልእ መሰጋገሪ ሃገር ክትሰደካ ትኽእል እያ ዝብል ሓበሬታ ጌጋ እዩ።

ሓቂ`ዶ ሓሶት?

ካብ 18 ንታሕቲ ዝኾኑ ቆልዑት ኩሎብ ብርግጽ ዑቕባ ክረኽቡ እዩም?

ኣይፋል

ዝቐርቡ ጉዳያት በብሓደን ብውልቀን ይረኣዩ፡ ብዘየገድስ ኣየናይ ዕድመ ኣለዎም። ዕድመ ኣብ ዝኾነ ጉዳይ ወሳኒ ግደ የብሉን። ንቖልዑት መንበሪ ፈቓድ ብርግጽ ክወሃቦም እዩ ዝምበሃል ነገር የለን።

ሓቂ`ዶ ሓሶት?

ዩነቨርስቲታት ጀርመን ንኹሉ ሰብ ክፉት ድዮም?

ኣይፋል

ብሓፈሽ ኡ ዩነቨርስቲታት ጀርመን ንኹሉ ክፉት ኣይኮነን፡ ገለ ቤት ትምህርቲታት ፍሉይ ናይ ምዝገባ ፕሮግራማት ንወጻእተኛታት እኳ እንተኣለዉዎም፡ ኣብዘን ቤት ትምህርቲታት ንኽትኣቱ መንበሪ ፈቓድ የድልየካ።

ሓቂ`ዶ ሓሶት?

ዜግነትካ = ናይ ዑቕባ መሰላትካ?

ኣይፋል

ስቓይ ዝወረዶም ወይ ውን ከይክህደኑን፡ ከቢድ ግፍዒ ከየጋጥሞምን ዘስግኡ ሰባት ጥራይ እዮም ዑቕባ ክረኽቡ መሰል ዘለዎም። በብውልቀ እውን ጉዳዮም ብረቂቕ ይጽናዕ፡፡ ነቲ ዘድሊ መዐቀኒታት ናይ ውዕል ጂነቫ ሕጊ ስደተኛታት ወይ ናይ ጀርመን ሕጊ ስደተኛታት ዘየማልኡ ምስ ዝኾኑ፡ ካብ ጀርመን ክወጹን መበቆል ሃገሮም፡ ወይ ናብቲ መጀመርያ ዝኣተውሉ ሃገር ክምለሱ ክግደዱ እዮም፡፡

ተወሳኺ »

ሓቂ`ዶ ሓሶት?

ናይ ዑቕባ ሓተታኻ ምስ ዝንጸግ ተገዲድካ ክትምለስ ትኽእል’ዶ?

እወ

ብሓይሊ ክትምለስ ክትግደድ ኢኻ፡ ብዘይ ሕጋዊ ኣገባብ እንተ ኣቲኻን ናይ ዑቕባ ሓተታኻ ተነጺጉ፡ ብፍቶትካ ክትምለስ እውን ፈቓደኛ እንተዘይኬንካ? ኣብ ከምዚ ኩነት፡ ናብ ከባቢ ናይ ሸንገን ኣባላት ሃገራት ንኸይትኣቱ ንነዊሕ ግዜ ክትክልከል ትኽልከል። ተገዲድካ መምለሲኻ ወጻኢታት እውን ባዕልኻ ክትስከሞ ትግደድ።

ሓቂ`ዶ ሓሶት?

ናይ ስደተኛታት ፓስፕርት ግሪኽ = ሙሉእ ኣለያ ጥዕና ኣብ ኣብ ጀርመን?

ኣይፋል

ኣብ ግሪኽ ምዝጉባት ዑቕበኛታት ናብ ካልኦት ሃገራት ኦይርጳ እንኮላይ ናብ ጀርመን ክገሹሉ ዘኽእሎም ሰማያዊ ናይ ስደተናታት ፓስፖርት ክሓቱ ይኽእሉ እዮም። ንዑኡ ብምጥቃም ኣብ ውሽጢ 90 መዓልቲ ብዘይ ቪዛ ናብ ካልእ ሃገር ኦይሮጳ ኮምኡ ውን ጀርመን ክጉዓዙ ይኽእሉ፡፡ እንተኾነ ግን ንመምጽኢኦምን ንመምለሲኦምን ዝኸውን እኹል ገንዘብ ምስ ዝህልዎም ጥራይ እዩ ዝኸውን። ንሱ ምስ ዘማልኡ እውን ናይ ኣለያ ጥዕና መሰላቶም ድሩት ኮይኑ ዑቕባ ክሓቱ ድማ ኣይክእሉን እዮም።

ተወሳኺ »

ሓቂ`ዶ ሓሶት?

ድሕሪ 2 ሰዓት ኣብ ፕላስቲክ ጃልባ ምንስፋፍ መድሕን ትረክብ`ዶ?

ኣይፋል

ደለልቲ ኮምኡ እናበሉ እዮም ዝመባጽዑልካ። እንተኾነ ግን፡ ዘድሕኑ ሰባት ኣብታ ትርከበላ ጃልባ ክህልዉ ኣይፍቀደሎምን እዩ። ወላ እንተለዉ እውን፡ ብግዚኡ ረኺቦም ንኸድሕኑኻ ዘሎ ዕድል ብጣዕሚ ጸቢብ እዩ - ብዝያዳ ድማ፡ ደላሎ መርከብኩም ብዘይ ሞቶር እንተገዲፎማ። እቲ ጉዕዞ ብጣዕሚ ሓደገኛ ይኸውን፡ ናይ ብዙሓት ሰባት ሂወት እውን ኣብኡ ይጠፍእ።

ናብ ጸፍሒ ተመለስ